農夫 日出而作 LRC歌詞

日出而作(粵)
作曲：DJ Galaxy
填詞：C 君、6 Wing
演唱：農夫
農夫-日出而作(粵)
返工放工幾點至夠鍾
Sick Leave要點用開會有乜用
打卡打卡打記得打卡
日出而作搏一搏
我架單車都變摩托
睡眼惺忪九點鐘記得起身返工
九個鍾九個鍾每日返九個鍾
個個都要返工返工先唔使窮
證明你有用
份糧月中已經唔夠用　
第一個鍾輕輕鬆鬆等等第二個鍾
第二個鍾去Site Visit
順便去埋Game Zone
第三個鍾打電話打成個鐘至接通
之後嗰四個鍾勁多野做喺公司四圍中
入廁所沖嚇沖嚇又釣魚中嚇中嚇
攞杯咖啡沖嚇沖嚇沖嚇沖嚇沖嚇沖嚇
咁又衝到最尾嗰個鐘
個個睇住個鐘個個等放工

放工去玩又驚第二朝早起又驚糧尾
返工系一個得閒死唔得閒病嘅遊戲
你老闆唔鍾意你你唔鍾意份工
鬼叫你鍾意份人工咁就冇嘢需要理
打卡最型打唔停
打少一成會雙目失明
大部份嘅老細會低估員工嘅能力
大部份嘅員工會低估老細嘅智力
大部份嘅老細會挑戰員工嘅耐力
大部份嘅員工會問同事攞零食
番工放工幾點至夠鍾
日搏夜搏先發覺
最鍾意讀書返學
永遠就嚟遲到班地鐵一定趕唔到
好彩第一個返到老細又睇我唔到
成個朝頭早已經有鬼咁多嘢做
臨放工終於做到趴喺度
有人冇嘢忙又要扮忙
女同事化完妝又要補妝
系Pantry入面嘅Pantry黨扮開會
同一個Project講完又講
掃把話唔夠數出嚟捉人去跑數
跑極都系唔夠數份人工又唔啱數
最唔抵飲完酒晚起唔到身返唔到工
詐病請病假又要付出代價
好彩呀邊個有醫生紙明碼實價
仲要做緊特價
請夠四日都唔怕
費時返到公司
好似只死屍放工去開P
點知要OT
打卡打卡記得打卡　
唔系O咗T有邊個知
(餵　今晚我要早走呀
你可唔可以幫嚇我手呀)
(尋晚我都冇走　點打卡嗻)