農夫&麥玲玲 風生水起 LRC歌詞

農夫&麥玲玲-風生水起(粵)
作曲：DJ Galaxy　填詞：農夫
編曲：DJ Galaxy, DJ Tommy
玲玲出嚟又睇掌喇
農夫今年又攞獎喇
睇掌睇掌睇相(急急如律令)
攞獎攞獎演唱(俾啲掌聲有請)
一命二運三風水
人有三衰六旺
我仲要衰到幾歲究竟點解
佢出世嗰時含住條金鎖匙又點解
我成間屋仲細過佢個坐厠又點解
我次次買六合彩時中得一個字
系咪我出事出世喺亥時
點解佢系我波士揸波子
我好多Coins佢好多女士
同人唔同命同遮唔同柄
十九八七六五四三二
四捨五入犯太歲
六六無窮都仲咁衰
七除八扣又九十歲
十個光頭都唔同命水
人出唱片我出唱片
出到喺頒獎典禮裡面
鏡頭唔影呢面
觀眾睇我唔見
我哋坐喺側田嘅側面
側面側面側過側田
點樣先做到歌星
急急如律令俾啲掌聲有請
四積陰德五六歲
七八年後我生個女
九十幾歲都仲未去
個個都唔同命水
人踢波時我又踢波
但系點解人哋踢皇馬我就踢南華
球迷唔多想睇我又唔多矜貴
場場都以和為貴
打和打和和過和仔
點樣先做到球星
(麥)我話屬豬嘅朋友
屬鼠嘅朋友屬牛嘅朋友
屬老虎嘅朋友屬蛇嘅朋友
屬馬嘅朋友
夠唔夠十二生肖呀(系呀嘅朋友點呀)
嘅朋友點啊
攞獎攞獎演唱(我哋有請玲玲)
(麥)我一出世就識睇梅花易數
用咗廿年羅庚東南西北梗系分到
我掌又睇到相又睇到
要Rap都完全冇難度
鼻頭好有肉內心就冇毒
眼睛水汪汪桃花運暢旺
眉尾散儲錢難
上唇厚重情下唇厚比較重性
玲玲玲玲我有嘢問
問嚇我嘅桃花運
(麥)C君好男人過幾年就結婚
呀玲玲玲玲我有嘢問
問嚇我老婆系乜嘢人
(麥)陸永大情人個老婆好銷魂
我第時做乜嘢好
(麥)C君文筆好最啱做寫稿佬
呀師父答唔答得到
呀師父賞個面
答我做咩至有錢
(麥)陸永要表演最適合做幕前
玲玲玲玲咪走住
農夫有咩要注意呀
(麥)C君多主意陸永要做主持
羅庚最緊要睇得啱
人哋點樣講你都好閒