農夫 娛樂圈殺人事件 LRC歌詞
農夫 - 娛樂圈殺人事件
作曲：Jack Splash 填詞：6 Wing．C Kwan
編曲：Jack Splash 監製：6 Wing．C Kwan
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
以前邊有人識得農夫系乜
但系有人識噏 農夫系得
今日我賣得 你又話我變質
我唔講得太露骨 我怕從此絕筆
得得得 駛乜咁多原則 最緊要咪亂噏
叫我做乜就做乜 直到導演嗌cut
做小丑又得 唔怕一萬唔怕萬一
話我肉酸 又話我核突
但系呢個系事實 我高過你 我人工高過你
我去拍戲等十幾粒鍾等到懵 拍十幾分鐘
最後成條片都冇用 輕輕鬆鬆收工
你點會輕輕鬆鬆得過我 我寫過好多廣告歌
順順利利起貨 又話寫得唔錯
仲可以plug埋plug埋當一首新歌
你寫廣告歌你不如拍廣告 啲廣告商爽到冇乜嘢畀我做
冇排過舞 又話我跳到 只需要笑到好似燒壞腦
到你發現其實你慣曬 入娛樂界當你貨物賣
你積埋積埋覺得冇古怪 即時certify
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
本歌詞由Ching製作分享
繼續繼續 最好做音樂節目
唱半首歌系直播 唔駛再錄
冇錯 唱錯歌詞都唔駛NG 走音又冇人知
點解呀 我啲歌都無key
做商場show咪仲好 嗰度鬼殺咁嘈
有時我一句都冇唱到 佢哋都完全聽唔到
做大學show咪仲過癮 一出場佢哋就興奮
有時我諗大學生可能從來無見過人
哇 咁你要返上去行嚇
嚇 我都唔識唱普通話
唔駛架 只要你郁一郁咋
佢哋就「嘩」 直頭變咗劉華
系 如果要計出埠做嘢最盞鬼
出出入入都系頭等機位
咁又系 間酒店房裝得落我間屋咁滯
我諗過住足一世 以後都唔返嚟
到你發現其實你慣曬 入娛樂界當你貨物賣
你積埋積埋覺得冇古怪 即時certify
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事
去咗陰間 我都可以翻生
帛金都慳返 鹹魚都可以反彈
去咗陰間 我都可以翻生
帛金都慳返 鹹魚都可以反彈
去咗陰間 我都可以翻生
帛金都慳返 鹹魚都可以反彈
去咗陰間 我都可以翻生
帛金都慳返 鹹魚都可以反彈
lyric by