1. vvLyrics
  2. 彭紀諺
  3. 給嫲嫲

彭紀諺 給嫲嫲 LRC歌詞

歌曲 給嫲嫲彭紀諺 演唱。

下載給嫲嫲LRC歌詞

彭紀諺 - 給嫲嫲

LRC編輯: QQ:335020326

我最愛嘅嫲嫲 你知道嗎
睇住你嘅頭髮一日比一日蒼白
你嘅眼睛無以前咁精靈
雙腳越嚟越無力 行兩行 就喘氣
你仲話 嫲嫲無用喇 無曬記性喇

現實好殘忍 一日一日將你嘅身體拖落去
越沉越深...
當你發覺你已經滿頭白髪
雙眼睇唔見 雙腳行唔郁
甚至連我系邊個 你都唔記得嘅時候
唔通...你咁就覺得...你毫無貢獻...
系我哋嘅負累?系我哋嘅潛水鐘咩?

天與地不會忘記心裏面總有希翼
誰害怕 疲累嗎 想起我嗎
跟我來一個遊戲 一對蝴蝶在回味
能容納我常陪伴你拍翼高飛

你仲記得嗎?以前你就系咁寵壞我...
我眼瞓嘅時候 你會輕輕拍我嘅背脊
比我舒舒服服嘅瞓個晏覺
我行到攰嘅時候 你會將我背起 一直背到返屋企
我肚餓嘅時候 你會整你拿手嘅糕點
我開心 向你賣口乖嘅時候
你會用力攬實我 可能喱個系你最滿足嘅時候
因為我感受到 你整個人都甜到融化咗...
誰害怕 疲累嗎 想起我嗎
跟我來一個遊戲 一對蝴蝶在回味
能容納我常陪伴你拍翼高飛

喺我心入面 你始終都系咁可愛...
你始終都系咁偉大...
你知道嗎?你不單止唔系一個沉落去的潛水鐘
其實你系一隻美麗嘅蝴蝶!

我相信 到咗今日嘅情境
系上天比我報答你嘅機會...
你嘅白髪 提醒我要多啲陪你
你嘅雙眼 提醒我要勇敢為將來打算
你嘅雙腳 提醒我要腳踏實地
等你仲記得我嘅時候
我都系一個值得你驕傲嘅乖孫!

盼望有一日 我百年歸老的時候
會再同你於天國再見
嫲嫲 我愛你

Download 給嫲嫲 LRC Lyrics