東山少爺 落雨大 heavy raining LRC歌詞
歌曲 落雨大 heavy raining 由 東山少爺 演唱。
落雨大
演唱：東山少爺 黃毅成
作詞/填曲/編曲：黃毅成
角色扮演：黃毅成
合成：飛機
落雨大，水浸街，阿哥擔柴上街賣。
阿嫂出街着花鞋，花鞋花襪花腰帶。
（RAP：細細個我就識唱呢首歌，嗰時成班朋友仔，排排坐，食果果。
人之初，問誰無過，做錯事有父母原諒我，偷偷拍嚇拖。
大個咗，出嚟做嘢成熟咗，發現搵食艱難囉，冇錢咯喎，乜都禍。
收工搵咗阿成出嚟唱嚇歌，我老細啲衰嘢，你有冇聽過？）
老細：阿邊個邊個，咁少嘢都做錯，搞到公司損失咗。
一於調你去洗廁所，一系你畀份report我，今個月嘅獎金，冇得攞。
阿成（笑住講）：嗨，噉你咪去洗廁所囉！
我：喂，你唔系呀話，你系咪兄弟呀？噉都笑我。
阿成：唉，咪講埋啲衰嘢喇！嚟喇，飲杯飲杯，飲勝！喂，我哋只歌喎！喂，阿成佢有冇點唱呀？
落雨大，水浸街，阿哥擔柴上街賣。
阿嫂出街着花鞋，花鞋花襪花腰帶。
落雨大，廣州水浸街，各位兄台已長大。
要知搵銀最艱難，雙眼通紅聲沙曬。
（RAP：細細個我就識唱呢首歌，嗰時成班朋友仔，排排坐，食果果。
人之初，問誰無過，做錯事有父母原諒我，偷偷拍嚇拖。）
阿成：喂，講到拍拖，你大學嗰時候嘅女朋友點啊？
我：哦，冇囉，嫁咗個有錢佬喎，上次同學聚會重見過佢，曬命噉曬。
舊女友：我有部保時捷，都唔好坐，都系加長版林肯最啱我。
我住喺二沙島，啲空氣又唔好，住響倫敦，我又怕大霧，都唔知點算好。
阿成：哇哈哈，咁誇張嘅，做戲噉做呀。
我：唉，咪就系囉，唉，唔好講喇，飲呀！
阿成：唉，飲啊飲啊。唉，唔得喇，哎呀，想劏。
我：你冇嘢吖嘛？
阿成：想劏，你自己唱只歌。
我：乜咁鮓?！
落雨大，水浸街，阿哥擔柴上街賣。
阿嫂出街着花鞋，花鞋花襪花腰帶。
落雨大，廣州水浸街，各位兄台已長大。
要知搵銀最艱難，雙眼通紅聲沙曬。
（RAP：人比人，比死人，不需理會別人，做好我本分。
好有錢，好有面，夢想未必實現，世上有啲嘢，比錢銀更值錢！）
搵多幾多錢，不一定快樂，不需心酸酸，希望在明天。
不管前路多艱險，互勉盼到新一天。
*落雨大，水浸街，阿哥擔柴上街賣。
阿嫂出街着花鞋，花鞋花襪花腰帶。
落雨大，廣州水浸街，各位兄台已長大。
要知搵銀最艱難，雙眼通紅聲沙曬。
*落雨大，水浸街，阿哥擔柴上街賣。
阿嫂出街着花鞋，花鞋花襪花腰帶。
落雨大，廣州水浸街，各位兄台已長大。