羅大佑 原鄉II LRC歌詞
古早台灣無人知
海賊打開大舞台
紅毛仔到美麗世界
大船靠岸相招來
平埔青番無人管
溫泉礦金無設限
漳泉鄉民唐山苦艱
為求生存來討趁
各種族群相車拼
甚人占到甚人贏
荷蘭頂真安平起廳
海域仔貿易生理定
等甲明朝落南來
阿成仔海軍來開台
存亡定着無法安排
復明意志傳後代
講甲清朝的時代
移民過海有障礙
先民冒着危險偷渡
中途埋冤苦憐代
清朝當時來接管
看做小小的台灣
衙門老爺污吏貪官
一貴爽文來作亂
各鄉移民田爭土
結伴換帖做伙雇
鬥來鬥去拚死怨妒
死傷合葬同歸所
講甲光緒阿本仔反
後來鴻章訂馬關
無情無義放撒台灣
全民憤慨直怨嘆
接管初期烏暗暝
台灣仔踏入受難池
軍火防備冤魂來加添
悲情霧社噍吧年
糟蹋刁難半世紀
喊來扇去數百年
連回的冤屈孤兒的身命
拖磨着驚為甚麼
今嘛台灣人人知
行入世界大舞台
講來不信美麗寶島
前人的保庇想看見