鄭君綿&鄭幗寶 系唔系嘅啫 LRC歌詞
系唔系嘅啫 - 鄭君綿&鄭幗寶
【】
男：阿寶阿寶，你真系靚嘅啫！
女：嚇？系唔系嘅啫？
男：你條腰 真妙嘅，齊共起舞款擺若條蛇
女：你大話呃我想乜啫，
賣下相思 嚟靠借咧，I don』t know你做乜嘢噃
男：你艷麗似天仙應份做世姐
女：嚇 系唔系嘅啫？
男：實堪許配呢個白面少爺
女：嚇！系唔系嘅啫？
男：今晚約定無謂辭謝，一心請你去宵夜
女：咁去邊啫？ 男：都話去宵夜
女：哦? 乜你有車咩？
男：我買架新賓士呢，系正斗車
共試新嘢咧 女：真開心你系得嘅
男：OK Let's go
男：咦？邊個駛咗我架賓士去啊
女: 哦? 你唔見咗架車咩
男：系喇 啊我明明泊系呢度嘎
唔通被人拖車？
女：哦!咁賓士唔見咗啫，可以坐Taxi去啊！
男: 哦 系啊 坐Taxi呵 OK Taxi
男：嗱黎到呢間太白樓，闌麝咁香真少有
裝 飾真靚溜，你睇嘉賓最上流
女：華貴大方最上流，同聚喜得知心友
今宵真有幸，花開結並頭
男：結婚最緊要講究，豪華場面少有
女：我聽見心裡好笑，佢為人絕冇知丑
男：黎啦大家飲杯酒，呢嗱牛脷炸雞真講究
女：唔！我要燒鵲脷，飲香檳正合我喉
男：OK!OK! BOY?
男: 燒鵲脷一個，香檳一支
Darling，飲杯
男：你與我訂婚呢千樣有
人地想嫁我都擰頭
女：哼！你實在點會咁不知丑
賣錯相思，向人地猛挑誘
我不應該向你賣生藕
男：送你別墅一間等第日接收
女：嚇！系唔系嘅啫？
男：仲去日本歐美蜜月旅遊
女：嚇！系唔系嘅啫？
男：我包你快樂如做皇后
心心相印過春秋
女：你靠把口，不靠雙手，你有乜收者！
男：你不必憂 我有租收，外匯都有啊～
女：我一於走 你無藥可救
男：啊！系唔系嘅啫……
End