1. vvLyrics
  2. 麥兜
  3. 就係麥太臨盆既時候

麥兜 就係麥太臨盆既時候 LRC歌詞

歌曲 就係麥太臨盆既時候麥兜 演唱。

下載就係麥太臨盆既時候LRC歌詞


編輯:墮落天使 Liuxiaodong1979@21cn.com

麥兜:就系麥太快要臨盆既時候
有一個膠兜向九龍既上空飛過
沿住荔枝角道直出大角咀道,
經過好彩酒家, 再左轉出番花園街樂園牛丸王既對上
唔系喎,先去街市大樓個間妹記魚脯粥個度轉下轉下
都系出番去亞皆老街飛過火車橋右轉入太平道
再右轉屈番出去窩打老道向女人街方向
最後膠兜飛左入去廣華醫院既候產房
亦即系麥太右邊「雲精」對上
都系唔好,左邊「雲精」對上,轉下轉下轉下……
麥太認定呢個系異象,於是向「雲精」對上既膠兜許願
而腦入面,亦實時出現左佢快要出世既仔既樣
麥太:希望佢好聰明,讀書好叻。
麥兜:膠兜對麥太既願望似乎無咩表示喎
於是,佢對膠兜補充咁話……
麥太:或者讀書唔叻,出黎做野叻呢﹖又或者呢……
麥兜:又或者系好靚仔好靚仔,好似周潤發同埋梁朝偉咁靚仔
膠兜似然系咁系度轉,好似一的應承既跡象都無
麥太一時心虛,拿拿臨系膠兜未落地之前起過另一個願
拿就算唔系咁聰明咁靚仔,只要福聲高照一世夠運
乜野事都逢凶化吉呀下。
麥太:佢靠自己有料解決的野就梗系好啦
不過運氣都好緊要喎。
雖然似梁朝偉周潤發,都唔慌佢無運行
但系都要叻仔先得架
膠兜:啪……嘀嘀督督……(落地聲)
麥兜:最系膠兜「嘀督」一聲落地,
嘀督……嘀督喎,即系應承啦。
麥太心諗今次冇死啦,但系應承左的咩呢﹖
叻仔???好運???定系話似周潤發呀???
為左記念哩個賜福既膠兜,麥太決定將個仔既名叫做麥膠
麥太:都系唔好……膠膠聲咁難聽,不如叫麥兜啦
麥兜:各位,我就系哩個差少少就叫做麥膠既小朋友--麥兜

Download 就係麥太臨盆既時候 LRC Lyrics