麥兜 特別報道II(香港一蛋撻) LRC歌詞
歌曲 特別報道II(香港一蛋撻) 由 麥兜 演唱。
編輯：墮落天使 Liuxiaodong1979@21cn.com
特別報導,奧運滑浪風帆金牌得主李麗珊決定參加今屆既奧運
向全世界人再次證明香港既運動員唔系臘鴨
另一方面中國香港體育協會暨奧委會會長霍震霆
正式向亞運協會提出申請
香港將要爭奪下屆亞運會既主辦權
多個運動團體立即表示熱烈支持
其中港九新界竹戰聯誼會
更希望打麻雀可以成為亞運項目
另外全港茶餐廳員工協會經已發動所有會員
爭取擲蛋撻成為亞運會比賽項目
港九燒味滷味腊味同業會亦都向霍主席當面提出
掛臘鴨可以成為亞運比賽項目
橙、碌柚、香蕉批發零售協會
提議搣橙、搣碌柚、搣蕉皮成為亞運示範項目
而全港排毒纖體減肥keep fit聯會亦都提議將
搣脂、拉麵同洗腸成為亞運會既比賽項目
較為特別既系CIC保險營業員
聯同大角咀春田花花幼兒園附屬小學既一班小朋友
爭取搶包山
一項幾乎絕跡既運動
成為本港舉辦亞運重點推介既比賽項目
大包整多兩籠 大包整多兩籠 …
最後，佢地選左擲蛋撻做推介項目
至於香港申辦亞運既口號，亦都順理成章咁叫做「香港一蛋撻」